ಕಲೆ ಉಳಿಸುವಲ್ಲಿ ಯಕ್ಷಭಾರತಿ ಕಾರ‌್ಯ ಶ್ಲಾಘನೀಯ: ಪಡ್ವೆಟ್ನಾಯ
ಲೇಖಕರು : ಸತೀಶ್ ನಾಯಕ್ , ಪಕಳಕು೦ಜ
ಶನಿವಾರ, ಸೆಪ್ಟೆ೦ಬರ್ 26 , 2015
|
|
ಸೆಪ್ಟೆ೦ಬರ್ 26, 2015
|
ಕಲೆ ಉಳಿಸುವಲ್ಲಿ ಯಕ್ಷಭಾರತಿ ಕಾರ‌್ಯ ಶ್ಲಾಘನೀಯ: ಪಡ್ವೆಟ್ನಾಯ
ಬೆಳ್ತಂಗಡಿ :
ಯಕ್ಷಗಾನವು ಸಂಸ್ಕೃತಿ, ಆಚಾರ, ವಿಚಾರಗಳನ್ನು ಜನಮಾನಸಕ್ಕೆ ತಿಳಿಸುವ ಕಲೆ. ಈ ನಿಟ್ಟಿನಲ್ಲಿ ಯಕ್ಷ ಭಾರತಿಯು ಕಲಾವಿದರನ್ನು ಗುರುತಿಸಿ, ಯಕ್ಷಗಾನ ವನ್ನು ಉಳಿಸುವ ಪ್ರಯತ್ನ ನಡೆಸುತ್ತಿರುವುದು ಶ್ಲಾಘನೀಯ ಎಂದು ಉಜಿರೆ ಜನಾರ್ದನ ಸ್ವಾಮಿ ದೇವಸ್ಥಾನದ ಆಡಳಿತ ಮೊಕ್ತೇಸರ ವಿಜಯರಾಘವ ಪಡ್ವೆಟ್ನಾಯ ಹೇಳಿದರು.
ಉಜಿರೆ ರಾಮಕೃಷ್ಣ ಸಭಾಭವನದಲ್ಲಿ ಶ್ರೀ ಜನಾರ್ದನ ಸ್ವಾಮಿ ದೇವಸ್ಥಾನ ಉಜಿರೆ ಆಶ್ರಯದಲ್ಲಿ ಗುರುವಾರ ನಡೆದ ಯಕ್ಷಭಾರತಿ ಕನ್ಯಾಡಿಯ ವಾರ್ಷಿ ಕೋತ್ಸವ ಮತ್ತು ಬೆಳ್ತಂಗಡಿ ತಾಲೂಕು ಯಕ್ಷಗಾನ ಕಲಾವಿದರ ಸಮಾವೇಶದ ಸಮಾರೋಪದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
ಲಯನ್ಸ್ ಕ್ಲಬ್ ವಲಯಾಧ್ಯಕ್ಷ ಎನ್.ಎ. ಗೋಪಾ ಲ ಶೆಟ್ಟಿ ಮಾತನಾಡಿ, ಯಕ್ಷಗಾನವು ನಮ್ಮ ಸಂಸ್ಕೃತಿ ಯನ್ನು ಉಳಿಸುತ್ತಾ ಬಂದಿದೆ. ಯಕ್ಷ ಭಾರತಿಯು ಈ ಕಲೆಯ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸುತ್ತಿರುವುದು ಸಂತಸ ತಂದಿದೆ ಎಂದರು.
ಧರ್ಮಸ್ಥಳ ಜಮಾ ಉಗ್ರಾಣದ ಮುತ್ಸದ್ಧಿ ಬಿ. ಭುಜಬಲಿ, ಕನ್ಯಾಡಿ ಸೇವಾಭಾರತಿ ಅಧ್ಯಕ್ಷ ಹರೀಶ್ ರಾವ್, ಯಕ್ಷಭಾರತಿ ಅಧ್ಯಕ್ಷ ಹರಿದಾಸ್ ಗಾಂಭೀರ ಉಪಸ್ಥಿತರಿದ್ದರು. ಅಕಾಡೆಮಿ ಸದಸ್ಯ ಕಿಶನ್ ಹೆಗ್ಡೆ ಭೇಟಿ ನೀಡಿದರು. ಎಂ.ಜಿ. ಶ್ರೀಧರ ರಾವ್ ಮುಂಡ್ರು ಪಾಡಿ ಮತ್ತು ಮೋಹನ ಬೈಪಾಡಿತ್ತಾಯ ಅವರಿಗೆ ಗುರವಂದನೆ ಸಲ್ಲಿಸಲಾಯಿತು. ಯಕ್ಷಗಾನ ಸಂಘಟಕ ರಾದ ಬಾಲಕೃಷ್ಣ ನಾಯಕ್, ವಿನಾಯಕ ಪ್ರಭು ಆಲಂದಡ್ಕ, ಯಕ್ಷಗಾನ ಕಲಾವಿದರಾದ ಶಿವರಾಯ ಆಚಾರ್ಯ ಪಣಕಜೆ, ಶ್ರೀಕಂಠ ದಾಮ್ಲೆ ಅರಸಿನಮಕ್ಕಿ, ಯಕ್ಷಗಾನ ಭಾಗವತ ಜಯರಾಮ ಕುದ್ರೆತ್ತಾಯ ಧರ್ಮಸ್ಥಳ ಅವರನ್ನು ಸಮ್ಮಾನಿಸಲಾಯಿತು.
ಬಳಿಕ ಭೈರವಿ ಕಲಾ ತಂಡ ಜೋಡುಸ್ಥಾನ ಧರ್ಮಸ್ಥಳದ ಕಲಾವಿದರಿಂದ ಬೇಡರ ಕಣ್ಣಪ್ಪ ಯಕ್ಷಗಾನ ಪ್ರದರ್ಶನಗೊಂಡಿತು. ಯಕ್ಷ ಭಾರತಿ ಕೋಶಾಧಿಕಾರಿ ವಿಷ್ಣು ಮರಾಠೆ ಸ್ವಾಗತಿಸಿದರು. ಕಾರ್ಯದರ್ಶಿ ದಿವಾಕರ ಆಚಾರ್ಯ ಗೇರುಕಟ್ಟೆ ಕಾರ್ಯಕ್ರಮ ನಿರ್ವಹಿಸಿ ವೆಂಕಪ್ಪ ವಂದಿಸಿದರು.
ಕೃಪೆ :
vijaykarnataka
|
|
|
